Plantun de Prouvènço

Pèr coumpara dos planto d'encò nostre

Crucianella latifolia & Verbena officinalis

Crucianella latifolia

Rubiaceae

Nom en français : Crucianelle à larges feuilles.

Descripcioun :
Pichoto planto proun curiouso que douno d'èr à un espigau de graminaceae. Mai un cop qu'avès vist si fueio verticilado, i'a pu ges de doutànci. Crucianella latifolia se destrìo de sa cousino Crucianella angustifolia, d'abord emé si fueio que soun mai larjo e mai longo e subretout emé sis espigo primo e longo (> 4 cm). Coumpara emé la croussianello-di-fueio-estrecho qu'a d'espigo mai larjo e pu courto (2 à 4 cm). S'atrobo subretout en Basso Prouvènço.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : Pancaro entresigna
Fueio : verticilado
Tipe bioulougico : Teroufite
Cicle bioulougico : Planto de l'an

Gènre : Crucianella
Famiho : Rubiaceae

Coulour de la flour : Blanco
Petalo : 4
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : Pancaro entresigna
Aparado : Noun

Liò : Garrigo - Esboudèu - Roucaio - Tepiero seco
Estànci : Termoumediterran à Subremediterran
Couroulougi : Pancaro entresigna
Ref. sc. : Crucianella latifolia L., 1753

Verbeno

Verbena officinalis

Verbenaceae

Àutri noum : Erbo-crousado, Erbo-meravihouso, Erbo-sacrado, Verveno, Barveno.

Noms en français : Verveine officinale, Verveine sauvage.

Descripcioun :
La verbeno es uno planto coumuno que trachis dins d'ùnis endré. Se recounèis à si pichòtis enflourejado roso-bluio palinouso. Es uno planto renadivo que que pòu peréu viéure soulamen un an sus li limas de ribiero.

Usanço :
Li flour e li jòuini fueio soun utilisado desempièi de tèms en tisano. Es uno planto proun vertuouso. Ajudo à la som e au tussi, fai pissa, sarro li car e lucho contro li fèbre. D'un biais generau, èi couneigudo pèr èstre bono contro la fatigo. Fuguè counsiderado encò li Celto coume uno erbo magico (erbo-sacrado).

Port : Erbo
Taio : 15 à 80 cm
Fueio : óupousado
Tipe bioulougico : Emicriptoufite
Cicle bioulougico : Planto renadivo

Gènre : Verbena
Famiho : Verbenaceae

Coulour de la flour : Roso
Petalo : irreguliero
Ø (o loungour) flour : Pancaro entresigna
Flourido : Printèms - Estiéu - Autouno

Sòu : Ca
Autour basso e auto : Pancaro entresigna
Aparado : Noun

Liò : Champ - Escoumbre e proche dis oustau - Camin - Ribiero
Estànci : Termoumediterran à Mountagnard
Couroulougi : Pancaro entresigna
Ref. sc. : Verbena officinalis L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

CCC

Crucianella latifolia & Verbena officinalis

ges

Coumpara Croussianello(-di-fueio-larjo) emé uno autro planto

Coumpara Verbeno emé uno autro planto